Alcan á Íslandi

21.11.2005

Króna konunnar gefin út með okkar stuðningi

Talsverða athygli vakti á dögunum þegar ungliðar í Femínistafélagi Íslands mættu á fund ríksisstjórnarinnar og nældu nokkuð sérstakt barmmerki í ráðherrana. Merkið kölluðu þær "krónu konunnar" og var merkinu ætlað að vekja athygli á launamun kynjanna.

Þó slíkur munur sé ekki til staðar hér kostuðum við að stærstum hluta gerð þessa barmmerkis enda hugmyndin góð og málefnið brýnt.

Króna konunnar er barmmerki sem lýtur út eins og einnar krónu mynt að öðru leyti en því að sneið, sem nemur 35% af flatarmáli hennar hefur verið klippt burt. Segja má að barmmerkið hafi slegist í gegn, því fyrsta upplagið er að seljast upp en nýtt er á leiðinni. Merkið kostar 100 kr. fyrir karla, en konur fá 35% afslátt og greiða 65 kr. fyrir merkið.