ISAL er hluti af Rio Tinto, einum stærsta álframleiðandi heims.
Rio Tinto framleiðir tæplega 4 milljónir tonna af áli á ári. Þar af nemur framleiðsla ISAL um 211 þúsund tonnum.
ISAL framleiðir því um 578 tonn af áli á dag, allt árið um kring.
Helsta hráefnið er súrál, hvítt duft sem er efnasamband áls og súrefnis.
Álframleiðsla felst í að skilja súrefnið frá álinu með rafstraumi í þar til gerðum kerum.
Í hverjum af þremur kerskálum fyrirtækisins eru 160 ker, eða samtals 480 ker sem hvert um sig framleiðir ríflega 1 tonn af áli á dag.
Kerskálarnir eru hver um sig tæplega einn kílómetri á lengd.
Úr einu tonni af áli er hægt að framleiða 60 þúsund gosdrykkjadósir. Eins dags framleiðsla hjá ISAL dugar þannig í 29 milljón dósir.
Álið sem framleitt er í Straumsvík er meðal annars notað í framleiðslu Audi bifreiða.
ISAL vinnur markvisst að heilsueflingu starfsmanna.
Starfsmenn ISAL hafa hlotið gullverðlaun í keppninni „Hjólað í vinnuna“ átta ár í röð.
Samfélagssjóður ISAL styrkir margvísleg verkefni um 15-20 milljónir króna á ári.
ISAL er einn stærsti styrktaraðili barna- og unglingastarfs íþróttafélaga á Íslandi.
Steypuskáli ISAL er fyrsti steypuskálinn sem framleiðir hágæðaál án þess að nota klór til hreinsunar.
ISAL framleiðir sérhæfðar málmblöndur, sem miðast við hvort nota á álið í álpappír, lyfjaumbúðir, húsaklæðningar, bíla o.s.frv.
ISAL hefur vaktað áhrif álversins á umhverfið í meira en 45 ár.
ISAL notar hreina orku við framleiðslu áls og er með eina minnstu losun gróðurhúsalofttegunda innan áliðnaðarins.
ISAL vaktar vinnuumhverfið með mælingum í því skyni að bæta það.
ISAL hefur starfrækt Stóriðjuskólann í Straumsvík fyrir starfsmenn sína frá árinu 1998.
Markmið Stóriðjuskólans eru að efla fagþekkingu og öryggi starfsmanna og auka möguleika þeirra á starfsmenntun og þróun í starfi.
Alls hafa 242 starfsmenn útskrifast úr grunnnámi Stóriðjuskólans og 22 úr framhaldsnámi.
Háskólamenntaðir starfsmenn ISAL eru um 70 og iðnaðarmenn um 120.
Kælivatn frá ISAL er endurnýtt til vökvunar á golfvelli Keilis í Hafnarfirði.
Öryggisstjórnun
ISAL var fyrst fyrirtækja á Íslandi að innleiða öryggisstjórnun sem stenst hinn alþjóðlega öryggisstaðal OHSAS 18001.
OHSAS 18001 staðallinn er kröfulýsing á sviði öryggis- og vinnuumhverfisstjórnunar. Fyrirtæki sem starfa skv. staðlinum þurfa sífellt að vinna að umbótum og eru líklegri en önnur til að ná árangri.
Staðallinn á meðal annars að tryggja, að öryggis- og vinnuumhverfismál séu órjúfanlegur þáttur í mats- og ákvörðunarferli við fjárfestingar, framkvæmdir, rekstur, val á verktökum og kaup á vöru og þjónustu vegna starfseminnar.