Flúorkolefni

Flúorkolefnissambönd (CF4/C2F6) eru sterkar gróðurhúsalofttegundir. Þau myndast við spennuris (sjá hér) sem geta orðið í kerum. Heildarmagn flúorkolefna í losun er því háð fjölda spennurisa í kerskálunum og hve lengi þau vara.

Fjöldi spennurisa er mun minni nú en fyrir 10 árum og hefur Alcan í Straumsvík náð hvað bestum árangri í heiminum í fækkun spennurisa. Áður þótti æskilegt að fá reglulega spennuris á kerin, en með nútímalegri kerrekstri og aukinni vitund um mengandi áhrif spennurisa, hefur sú krafa horfið. Þróun á hugbúnaði, sem stýrir kerunum, hefur leitt til þess að hægt er að spá fyrir um ris með talsverðri nákvæmni og því er auðveldara að koma í veg fyrir þau.

Okkar áherslur

  • Okkur finnst mikilvægt að starfsemin sé í sátt við umhverfið og í anda sjálfbærrar þróunar.
  • Við fylgjum í einu og öllu þeim lögum og reglum sem gilda.
  • Við viljum vera fyrirmynd annarra á sviði umhverfismála.
  • Við höfum vottað umhverfisstjórnunarkerfi skv. ISO 14001.
  • Við leggjum áherslu á heiðarlega upplýsingagjöf.