Alcan á Íslandi

Hátækni

Hátæknilegur og flókinn búnaður stýrir öllu framleiðsluferli ISAL. Álverið er þannig  hátæknifyrirtæki og í raun gott dæmi um hvernig rótgrónir atvinnuvegir geta nýtt sér það besta sem tölvu- og tæknisamfélagið býður upp á til að auka afköst og gæði framleiðslunnar.

Almenn umræða um stóriðju undanfarin ár hefur einkennst af ranghugmyndum, bæði um málminn sjálfan og framleiðslu á honum. Þannig halda margir að álverið sé frumstæð verksmiðja sem hafi lítið breyst í áranna rás en svo er alls ekki.  Tækniframfarir hafa verið miklar og í fyrirtækinu hefur orðið til mikil þekking, hugvit og kunnátta sem hefur leyst handaflið af hólmi. 

Þessar staðreyndir hafa ráðið mestu um góðan árangur okkar á ýmsum sviðum undanfarin ár. Auk góðs árangurs í umhverfis- og öryggismálum má nefna sífellt aukna framleiðslu sem í dag er 20% meiri en verksmiðjan er hönnuð til að framleiða.  Það gerist ekki af sjálfu sér og ekki án tækni- og verkþekkingar. 

Hjá okkur er þekkingin eitt af hráefnunum og færnin í að vinna með hana skapar okkur verðmæti.